El Centru Comercial del Calatrava namái dexa entrar a Burger King per una puerta llateral

Los responsables del Telepizza denunciarán a los xestores del Centru por nun dexalos abrir

Nin pela puerta principal, nin pela entrada del aparcaderu. La única entrada que’l Centru Comercial del Calatrava habilitó pa entrar a la cadena d’hamburgueseríes Burger King ye per una salida d’emerxencia.

Los sos propietarios denuncien que nun cumple les midíes de seguridá y auguren un gran perxuiciu económicu.

L’hamburguesería denunciare énte’l xulgáu la so situación, alegando qu’entovía tien contratu d’alquiler en vigor pa tar nel Centru.

A los que nun dexaron abrir ye a otra franquicia de comida rápida, Telepizza, por mor de que nun hai denuncia d’enantes. Los sos responsables dieron anuncia güei de midíes xudiciales.

Les demás tiendes tienen hasta finales de selmana pa vaciar los locales.

Representantes de Ciudadanos, Partido Popular y Foro Asturias sofitaron a los trabayadores de les tiendes afectaes.

Dende Somos Uviéu piden a los nuevos xestores del Calatrava un plan d’inversión pa impulsar l’equipamientu.