El Centru de Recuperación de Fauna Silvestre atiende a animales con patoloxíes que-yos impiden desendolcar la so vida nel so mediu natural

El 90% de los animales que traten nel centru de recuperación son aves

369 animales atendíos de 77 especies diferentes. El 90% d’elles, aves. Ye l’últimu balance, el de 2023, del Centru de Recuperación de Fauna Silvestre. El procesu entama cola entrega del exemplar por axentes del Mediu Natural y l’estudiu detalláu de la so situación. Los más de los ingresos son por traumatismos como señala Álvaro Oleaga, veterinariu del Centru de Recuperación de la Fauna Silvestre.

Yá daos d’alta, puen volver y desendolcar la so vida nel mediu como pasó con un buzacu nel observatoriu d’aves de Rusecu. En dalgunos casos, son cedíos a otros centros de recuperación o de cría en cautividá.

Anque la recuperación d’exemplares ye la parte más visible, tamién cumple misiones importantes na xestión de la biodiversidá o la vixilancia sanitaria, cola detección de procesos infecciosos que puen ser peligrosos pa persones o animales, apunta Luis Miguel Álvarez, veterinariu del Serviciu de Vida Silvestre.

Inauguráu en 2021, convirtióse nun centru de referencia d’España.