El Conceyu d'Avilés quita la pancarta de 'Alcoa nun se cierra', un símbolu de la llucha de la factoría

El comité d’Alcoa en Cervo pide que les baxes incentivaes sirvan pa contratu

Dellos meses foi parte de la imaxe del Conceyu d'Avilés. Güei descolgóse’l cartelu de 'Alcoa nun se cierra'. Una imaxe que simboliza'l fin d'una etapa y l'entamu de la siguiente, la d’Aluiberia, que ye como se llamen dende la venta, les factoríes d’Alcoa n'Avilés y A Coruña.

Les pancartes que colgaben del consistoriu van donase a l'asociación Rei Pelayo pal so reciclaxe.

L'actu de quitar les pancartes foi siguíu por dellos miembros de la corporación municipal y pol presidente del comité d'empresa.

El comité d’Alcoa en Cervo pide que les baxes incentivaes sirvan pa contratu

Una vegada que se formalizó la venta de les plantes d'Avilés y A Coruña, el comité d'empresa de la factoría que la multinacional Alcoa tien nel conceyu lucense de Cervo espera que la compañía caltenga'l programa de baxes incentivaes nesti centru de trabayu pa facilitar la incorporación, como personal fixo, de trabayadores que tán nestos momentos con contratos temporales.