El Conceyu de Siero sanciona per segunda vegada al serviciu d'ayuda a casa municipal

L'alcalde de Siero va de vacaciones a Paquistán y nun va tar na romería del Carmín

El Conceyu de Siero entamó un espediente sancionador escontra la empresa que da'l serviciu d'ayuda a casa por dexar a dellos usuarios ensin serviciu dellos díes.

Asina lo anunciaron esti vienres l'alcalde de Siero, Ángel García, y la conceyala de Polítiques Sociales y Atención a les Persones, María José Fernández, quien recordaron que se trata del segundu trámite d'esi tipu escontra l'axudicataria qu'empecipió'l contratu col Conceyu en mayu de 2023, informó'l consistoriu.

El Conceyu de Siero destina 1.513.315 euros al añu al contratu del serviciu d'ayuda a casa, que cunta anguaño con 292 usuarios

L'espediente sancionador de tipu económicu por valir de 7.275 euros entamó pol incumplimientu d'unu de los puntos del pliegu de prescripciones qu'establez que "van ser obligaciones del contratista cubrir l'atención de los beneficiarios asignaos a les auxiliares d'ayuda a casa municipales, nel casu de llicencies, vacaciones, baxes llaborales, escedencies o otres situaciones análogues, al mesmu preciu/hora".

El rexidor afita que, dende'l Conceyu, el procesu sancionador ye la única ferramienta llegal que tien l'alministración local p'actuar.

Amás, García quixo tresmitir un mensaxe de tranquilidá porque gran parte del serviciu funciona correctamente, anque los conceyales pidieron esculpes a les families afectaes.

L'alcalde de Siero va de vacaciones a Paquistán y nun va tar na romería del Carmín

Precisamente güei l'alcalde de Siero queda de vacaciones. Va pasar les dos próximes selmanes en Paquistán, nun viaxe de cooperación internacional.

Ángel García nun va tar nes fiestes del Carmín. Ayeri, la Comisión de Festexos de La Pola anunció'l so adiós dempués de cuatro años nel cargu. La so presidenta, Lucía Noval, díxolo públicamente nel pregón de les fiestes.

Los componentes de la Sociedá llamenten la falta de collaboración del Conceyu y nun entienden esta actitú.