El Gobiernu del Principáu califica de sorprendente la decisión d'Alcoa

El conseyeru d'Industria culpa de la situación a la multinacional del aluminiu

El Gobiernu del Principáu califica de sorprendente la decisión d'Alcoa de refugar al fondu suizu Parter como comprador de l'aluminera, pero ve posible que puea iguase'l problema.

Mañana a les 11:00 van axuntase'l comité, Alcoa, el fondu suizu y el director xeneral d'Industria y Telecomunicaciones del Gobiernu del Principáu, convidáu pol Ministeriu d'Industria, que tamién va dir.

El procesu de venta allárgase y pal conseyeru, Isaac Pola, hai un claru responsable. "Quien dio orixe a esti procesu ye la empresa Alcoa", señaló.

Amás, respondió al pidimientu de sides por parte de los trabayadores. "Sinceramente nun creo que recibieren nenguna presión, polo menos del Gobiernu del Principáu".

Pide tamién el conseyeru qu'estes cuestiones nun distraigan del oxetivu principal: la busca de soluciones pa caltener l'actividá industrial y l'empléu nes plantes d'A Coruña y Avilés.