El PP plantega un vial de 62 millones de costu y usu esclusivu pa El Musel

El PP de Xixón presenta un proyectu alternativu al fallíu vial soterráu de Xove

El PP de Xixón presentó esti llunes la so propuesta alternativa al "fallíu" proyectu del Ministeriu de Tresportes d'un vial de Xove soterráu, que consiste nuna obra de 4.983 metros de llargor, 62 millones d'euros de costu, que nun pasa per Xove y sedría d'usu esclusivu pal tráficu portuariu.

Asina lo espresó en rueda de prensa'l presidente local del PP, Pablo González, que tuvo acompañáu pola vocera municipal, Ángela Pumariega, y los presidentes de l'Asociación de Vecinos de Veriña y la Federación de Vecinos de la Zona Rural.

González destacó que, con esti proyectu, llógrase desaniciar "la inmensa mayoría del tráficu pesáu per La Calzada" y la totalidá de los tráficos peligrosos pa la salú y el mediu ambiente.