El PP reclama al Gobiernu del Principáu'l dragáu del cai de L'Arena

"La inacción y la mala xestión de Gobiernu de Barbón ta llastrando'l desendolcu del cai que cunta con más de 90 amarres", asegura Cristina Vega

La diputada asturiana del PP Cristina Vega reclamó esti miércoles al Gobiernu asturianu qu’apruebe la fechura d’un nuevu dragáu nel cai de L'Arena (Sotu’l Barcu), asina como la construcción d’un espigón que frene l’avance de sable y barru.

Dempués de la so visita a esti pueblu p’aconceyar con pescadores de la zona, Vega recordó que “hai una partida xenérica nos Presupuestos asturianos pa 2024 de mediu millón d’euros pa dragaos”.

A xuiciu de so, “la inacción y la mala xestión del Gobiernu de Barbón ta llastrando’l desendolcu d’esti cai que cunta con más de 90 amarres y una llista d’espera prácticamente del mesmu tamañu”.