El Palaciu de Ceis sedrá rehabilitáu

El presupuestu de la obra ye de 78.000 euros y el plazu de fechura de dos meses y mediu

El Palaciu de Ceis sedrá rehabilitáu, dempués de presentar una empresa un proyectu de caltenimientu y llimpieza.

L’Ayuntamientu de Siero aprobó, esta mañana una llicencia d’obra menor pa trabayar nel monumentu, declaráu Bien d’Interés Cultural va cuasi 20 años.

El presupuestu ye de 78.000 euros y el plazu de fechura de dos meses y mediu. Nestos años, l’edificiu monumental, que tuvo a piques de desapaecer pol so estáu ruinosu, protagonizó diferentes conflictos xudiciales ente la propiedá, l’Ayuntamientu y Patrimoniu poles competencies en cuanto a los trabayos pa caltenelu en bon estáu.​