El Palaciu de los marqueses de Santa Cruz foi construyíu va 350 años

El parque, d'estilu francés, ye ún de los primeros xardinos barrocos documentaos n'Asturies 

El Palaciu de los marqueses de Santa Cruz, tamién se conoz como Casa del Xardín, porque l’actual parque Alfonso X el Sabiu constituyía la zona verde del Palaciu. Los propietarios yeren los marqueses de Santa Cruz, que dan nome a un edificiu construyíu va 350 años.

Ye ún de los primeros xardinos barrocos documentaos n’Asturies y el primer parque públicu de La Pola, d’estilu francés con viales ordenaos al traviés de parterres y toa triba d’árboles y matos. Un diseñu que se caltién en parte anguaño, al igual que la propia infraestructura de la edificación.

La Guerra de la Independencia, nel sieglu XIX, destruyólu en parte porque sirvió de cuartel a les tropes franceses, y d’ehí’l cambéu de forma cuadrada a una "u". Yá nel sieglu XX, les nueves comunicaciones vuelven a tresformar el llugar.

Enagora asítiase en plenu centru de La Pola, pero antiguamente esti llugar yera la periferia oriental. Poro, ye un palaciu rural, anque anguaño tea en zona urbana.

L’Ayuntamientu de Siero compró l’inmueble en 1993, rehabilitólu y agora utilízalu pa dependencies municipales.