El Principáu aprobará ente güei y el vienres les convocatories de les ayudes del fondu de rescate

Barbón llamenta que Podemos recurra a una demagoxa asemeyada a la de Vox

El Principáu aprobará ente güei y el vienres les convocatories de les ayudes del fondu de rescate de 100 millones pa los sectores afectaos polos pieslles. El presidente del Principáu, Adrián Barbón, adelantólo esta mañana na Xunta, en rempuesta a entrugues de los grupos de la oposición.

El presidente del Principáu, Adrián Barbón, llamentó güei que’l portavoz parllamentariu de Podemos, Daniel Ripa, recurra, a vegaes, a afirmaciones demagóxiques "nun tonu asemeyáu" a les utilizaes pol so homólogu de Vox, Ignacio Blanco.

Barbón faló asina nes sos rempuestes a les entrugues de los dos grupos nel plenu de la Xunta Xeneral del Principáu, que nos dos casos facíen referencia al retrasu na tramitación de les ayudes directes puestes en marcha pol Gobiernu pa sofitar a los sectores más afectaos poles restricciones pa lluchar escontra la pandemia del COVID-19.

Crítiques énte les que’l presidente avanzó que les convocatories asoleyaránse la selmana qu’entra. Na primer fase movilizaráse’l 75% del total.

Pa Vox les ayudes son insuficientes y critica que se caltenga’l pieslle de la hostelería cuando según el Ministeriu de Sanidá, los bares namás son l’orixe del 2% de los casos. Una afirmación a la que’l presidente contestó enseñando gráficos de cómo menguó la incidencia nos conceyos onde hai restricciones.