El Principáu aprueba una partida de 4 millones pa remodelar la glorieta de Luis Oliver

Nuevu ramal pa la entrada pela AS-II

El Principáu aprobó una partida de cuasi 4 millones d’euros pa remodelar la glorieta de Luis Oliver, n’Uviéu.

L’Executivu asturianu quier reformala pa desconxestionar el tráficu na entrada norte. Pa ello, construiráse un ramal de xiru directu dende l’autovía AS-II, en sen ascendente, pa la cai d’Ernesto Winter.

Per parte de so, l’alcalde de Uviéu, Alfredo Canteli, pidió güei al Gobiernu del Principáu que s’implique nel impulsu de la Ronda Norte penriba de sigles y intereses políticos locales. Porque ye, dixo, una infraestructura fundamental pa Uviéu, Asturies y el Corredor del Atlánticu.