El Principáu confía que la llegada d'Amazon sirva p'atraer a más empreses

Enrique Fernández califica de "escelente noticia" la nueva plataforma loxística en Siero

El conseyeru d'Industria del Gobiernu asturianu, Enrique Fernández, confirmó esti miércoles que'l xigante del comerciu electrónicu Amazon construirá una nueva plataforma loxística nuna parcela del polígonu de Bobes, en Siero, sobre una superficie de 200.000 metros cuadraos.

Dempués de que l'Ayuntamientu de Siero informare la selmana pasada de que la empresa presentare un proyectu técnicu pa poner en marcha la inversión, Fernández, el primer miembru del Gobiernu asturianu que fala sobre esti proyectu, calificó esta decisión de "escelente noticia" na so intervención nel plenu que güei celebra la Cámara autonómica.