El Principáu desactiva'l protocolu de contaminación d'Uviéu y Xixón

La decisión tómase tres la baxada de los valores de partícules en suspensión

N'Uviéu'l Principáu acaba de desactivar el protocolu de contaminación que punxo en marcha'l xueves de manera preventiva.

Los últimos rexistros de les estaciones del Palaciu de los Deportes y de Llugones amosaron valores de partícules en suspensión per debaxo de les llendes.

Amás d'a Uviéu la midida afectaba a Noreña, Siero, La Ribera, Llanera y la zona industrial de Morcín.

El Conceyu de Xixón tamién desactiva'l protocolu de contaminación tres baxar los niveles de partícules

En Xixón, el Conceyu tamién desactivó'l protocolu puestu en marcha na zona oeste de la ciudá yá que los niveles de partícules amenorgaron nos últimos díes.

A pesar d'eso, esta mañana podíemos ver dende Montiana una trupa boína de contaminación, que cuasi paecía borrina.