El Principáu desaprueba'l despidu colectivu anunciáu por Duro Felguera

La compañía foi rescatada l'añu pasáu con 120 millones de dineru público

El Gobiernu autonómicu nun aprueba que la viabilidá de Duro Felguera pase por una destrucción de trabayu. La compañía plantegó ayeri un despidu colectivu alegando causes de calter oxetivu, productivu y organizativu qu’afecten a cuatro de les sos sociedaes.

El Principáu defende que’l futuru de la empresa tien que pasar por medrar la so cartera de veceros y buscar un sociu industrial de referencia.

La compañía foi rescatada l’añu pasáu con 120 millones de dineru público. Güei’l presidente defendió esti rescate.