El Principáu trabaya p'amenorgar la interinidá na OSPA del 20% al 6,8%

Vox pide'l cese de la xerente de la Orquesta Sinfónica del Principáu d'Asturies

Los ceros recibíos por dellos músicos con esperiencia qu'aspiren a consolidar la so plaza na orquesta son solo una amuesa, según PP, Foro y Vox, de los problemes de xestión que dende va años sufre la OSPA.

La conseyera, que tuvo acompañada na Comisión de Cultura pola xerente de la Orquesta Sinfónica pa la que se pide'l cese, María Jesús Mateo, evitó opinar sobro un procesu en fase d'allegamientos. Esplicó que naide recurrió les bases de les convocatories, anque asegura que se van revisar pa próximes pruebes selectives. Vox, pela so parte, pidió na Xunta'l cese de la xerente de la OSPA.

Na OSPA trabayen 87 persones, 17 d'elles interines. Col procesu d'estabilización en marcha, quier rebaxase la temporalidá del 20 al 6,8%. El conseyu rector d'esti organismu públicu autónomu, nel qu'hai representantes del Parlamentu asturianu, axúntase'l xueves.