El Principáu va pidir una comisión de siguimientu de les infraestructures pendientes d'execución

Melania Álvarez: "Nun tamos satisfechos y nun vamos quedar de brazos cruzaos"  

El Principáu va pidir una comisión de siguimientu de les infraestructures pendientes d'execución

El Gobiernu asturianu amosóse "insatisfechu" coles esplicaciones ufiertaes pol Executivu central pola baxa execución de les inversiones presupuestaes nel Principáu pa 2021 y pidió constituyir una comisión con un calendariu concretu de xuntes pa faer un siguimientu "puntual" de la marcha de les principales infraestructures pendientes.

Según un informe de la Intervención Xeneral de l'Alministración del Estáu (IXAE) -dependiente de Facienda-, l'Estáu executó en 2021 el 40,51% de la inversión prevista n'Asturies, 148,1 millones d'euros de los 365,6 d'inversión inicial,

La execución media del Estáu foi del 67%, y Asturies foi la segunda comunidá con menor porcentaxe d'execución del conxuntu autonómicu, solo per delantre de Cataluña, con un 35,77%. El so presidente, Pere Aragonès, axuntóse un día dempués de que se conocieren estos datos cola ministra de Tresportes, Raquel Sánchez, pa "pidi-y esplicaciones" por esa baxa inversión.