Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
Fuente: RTPA, 17 de agostu. 2022 20:38

El Satse pide que s'audite a tolos centros sociosanitarios públicos y privaos

El sindicatu denuncia la precariedá de les condiciones llaborales

Tocante a les residencies de mayores, el sindicatu d'enfermería denuncia que'l nuevu modelu alcordáu pol ministeriu y les comunidaes autónomes nun va garantizar una meyora na atención a los usuarios.

El Satse asegura que les alministraciones quedaron a mediu camín, por casu, no que cinca a les ratios por dexar vía llibre a les comunidaes autónomes p'afitales.

Anguaño sostién que, de media, cada enfermera atiende ente 100 y 150 residentes. A ello suma, denuncia'l sindicatu, la precariedá de les condiciones llaborales. El SATSE pide que se faigan auditoríes independientes en tolos centros sociosanitarios, seyan públicos, concertaos o privaos y que se faigan públicos los sos resultaos.

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL