El Supremu dará a conocer en menos d’un mes la sentencia firme del casu Renedo

Les partes espunxeron los sos argumentos y defendieron los sos recursos

El 'casu Renedo', la mayor trama de corrupción investigada n’Asturies, zarró’l so trámite xudicial cola vista de los recursos presentaos polos ocho condenaos énte’l Tribunal Supremu, que deberá dictaminar en menos d’un mes si caltién la sentencia, rebaxa les penes o manda la repetición del xuiciu.

Los recursos fueron analizaos pol Supremu nuna vista de dos hores y media de duración na que les defenses de los ocho condenaos, a los que se-yos punxeron penes que superen los 40 años de prisión, defendieron el conteníu de los sos escritos.

Los lletraos dieron por reproducíos los sos recursos -de más de 200 folios- p’afondar nos aspectos más relevantes como’l pidimientu de que se consideren illegales les escuches telefóniques y los rexistros fechos na investigación.

Per parte de so, tanto la Fiscalía como les acusaciones particulares -el Principáu d’Asturies y María Teresa Porrúa- y les populares -el colectivu Amigos y Vecinos de Llanes (AVALL), Podemos y el Partido Progresista de Belmonte- amosaron la so conformidá cola sentencia dictada pola Audiencia Provincial d’Uviéu.