El campu lleva la so protesta a Uviéu

Protesta pa denunciar la situación que pasa'l sector

Cientos de profesionales y decenes de tractores colapsaron esti xueves les cais del centru d'Uviéu na protesta agrícola y ganadera convocada poles organizaciones URA y Usaga pa denunciar la situación que pasa'l sector y esixir más midíes de sofitu.

La protesta sumó la participación de numberosos tractores -unos 300 según los convocantes y daqué más d'un centenar según la Delegación del Gobiernu- que confluyeron a última hora de la mañana na céntrica cai Uría tres entamar la marcha en dos columnes dende'l campu de fútbol de La Pixarra y el polígonu del Espíritu Santu, a dellos kilómetros d'Uviéu, lo que yá xeneró problemes de tráficu.

La protesta, que tamién foi secundada por centenares de ganaderos a pie, foi convocada dientro de les numberoses movilizaciones que dende va díes hai en dellos puntos del país, como la multitudinaria qu'ayeri hebo nel centru de Barcelona.