El futuru de la intelixencia artificial nos cursos de La Granda

Fai falta una reflexón a comuña sobre la xestión de la IA

Güei, el catedráticu de derechu constitucional, Miguel Ángel Presno, y el catedráticu de filosofía Juan Arana, aconceyaron, nos cursos de La Granda, p’aldericar sobre’l futuru de la intelixencia artificial. Un exerciciu de reflexón nel que s’aldericó al rodiu de les implicaciones llegales, sociales y étiques de la evolución d’esta tecnoloxía.

¿Ye la Intelixencia artificial una ayuda o una amenaza pa la nuestra sociedá? Meyores na sanidá, automatización de procesos informáticos y meyores educatives. Sicasí, los espertos aseguren que nun podemos ignorar l’amenaza qu’esta tecnoloxía conlleva.

Unes amenaces que, enagora, en países como los EEXX o China regulen los propios proveedores d’estes aplicaciones. Na Xunión Europea yá se regulen dientro del so propiu marcu llegal, pero ¿ye suficiente esta nueva llei pa controlar estes amenaces?

Tanto Presno como Arana asumen que nun se puen predicir les consecuencies de la intelixencia artificial nel nuestru mundu pero sí consideren imprescindible que se lleve alantre una reflexón a comuña sobre cómo xestionar estes ferramientes.