El mal tiempu obliga a suspender los entrenamientos del sábadu del Festival Aereu

Esposición de maquetes, paracaíes y un simulador na selmana de la Fiesta del Cielu

El Conceyu de Xixón anunció esti xueves que los entrenamientos del Festival Aereu del sábadu atayáronse pol mal tiempu que s'espera pa esi día, pero que, sicasí, amplióse la franxa horaria de los ensayos de mañana, polo que la sablera va tar cerrada ente les 12:00 y les 17:00 hores.

De cara al domingu, amás del zarru de la sablera, caltiénense los cortes de tráficu dende les 08.30 hores na avenida Rufo Rendueles en dambes direcciones.

Los accesos a Cimavilla van tener que facese al traviés de la zona d'Óscar Olavarría y los garaxes afectaos van vese inutilizaos.

Fontes municipales apuntaron que tamién ye posible qu'heba cortes na cai José García Bernardo y que se va prohibir l'aparcamientu na avenida Rufo García Rendueles, avenida de La Salle, Ramón Piquero y El Campo Valdés.