El maxistráu Pérez Villamil ye partidariu d'amenorgar los aforamientos y los indultos

Cuestiona la politización de los nomamientos del Conseyu del Poder Xudicial

El maxistráu de la sala civil y penal de la TSXA José Ignacio Pérez Villamil considera que los aforamientos tienen que suprimise.

La so sala ye la encargada d'investigar a los aforaos y tien la percepción de qu'últimamente s'usa la xusticia con fines políticos, pa imponer recursos ensin fundamentu por perxudicar al adversariu.

Nuna entrevista concedida a TPA, tamién s'amuesa contrariu a los indultos, cuestiona la politización de los nomamientos del Conseyu Xeneral del Poder Xudicial y anuncia que nun va optar a la presidencia del Tribunal Cimeru de Xusticia d'Asturies, que se renueva esti añu.

Pérez Villamil recibe mañana la Cruz de San Raimundo de Peñafort, la más alta distinción xurídica.