El nuevu Xulgáu de lo Mercantil empieza a funcionar nel edificiu de Telefónica

Chamorro: "Esti xulgáu necesitábase. Va atender de forma más eficaz, inda, a los ciudadanos"

El presidente del Tribunal Cimeru de Xusticia d'Asturies (TCXA), Jesús María Chamorro, inauguró'l nuevu Xulgáu Mercantil nº4 d'Uviéu nel edificiu de Telefónica de Llamaquique, acondicionáu pol Gobiernu rexonal tres una inversión de 1,3 millones y que va ser atendíu de forma rotatoria polos otros dos xueces de lo mercantil hasta que la plaza seya cubierta por concursu.

"Esti xulgáu necesitábase. Va atender de forma más eficaz, inda, a los ciudadanos", comentó enantes d'agradecer l'esfuerzu fechu pol Ministeriu de Xusticia y el Gobiernu del Principáu.

Chamorro repitió la necesidá de llegar a una solución transitoria" hasta que s'aborde la "definitiva" pa reunificar les sedes xudiciales nesta parte de la capital del Principáu.

"Ensin dulda, esta ye la zona na que toos tamos d'alcuerdu, na que tien de crease la ciudá de la xusticia", aseguró.