El pescadores preven que la costera del bonitu llegue a setiembre

La rula avilesina terminó l'añu pasáu con 1,2 millones de quilos vendíos a una media de 3,70 euros el quilu

Anguaño la costera podría estendese siquier hasta setiembre, non como nos últimos años en que remataba n'agostu. Pel momento hai cuota; llévense consumíes namá'l 21% de les 24.000 tonelaes de que dispon el sector. Créese que namá en casu d'emigración del bonitu escontra'l norte remataría la costera anticipadamente asegura Ramón Álvarez, xerente de la Rula Avilés.

Conforme avanza'l branu, el bonitu sigue migrando escontra agües más fríes del Golfu de Vizcaya, lo qu'aumenta les captures. Anguaño tánse pescando pieces más grandes que se vienden un 20% más cares que l'añu pasáu nestes feches. El quilu en rula güei ta a 5,70 euros.

L'añu pasáu la rula avilesina terminó la costera del bonitu con 1,2 millones de quilos vendíos a una media de 3,70 euros el quilu.