El presuntu sicariu d'Ardines pasará'l xueves a disposición xudicial

La Unidá Central Operativa de la Guardia Civil va facese cargu de la custodia del investigáu

El ciudadanu de nacionalidá arxelina investigáu como unu de los dos presuntos autores de la muerte del conceyal d'IX en Llanes, Javier Ardines, que taba en prisión en Suiza por otros delitos pasará a disposición del xulgáu llaniscu qu'instrúi la causa a les 10:00 del próximu xueves, 14 de mayu, informó'l Tribunal Cimeru de Xusticia d'Asturies (TCXA).

La Unidá Central Operativa de la Guardia Civil, que se va facer cargu de la custodia del investigáu dende la so entrega'l miércoles nel aeropuertu de Xinebra, asina lo comunicó al Xulgáu de Primer Instancia y Instrucción de Llanes.

L'investigáu, K.M., tará nel centru de detención del puestu de la Guardia Civil de Llanes dende la so llegada a la villa y hasta la so puesta efectiva a disposición na sede xudicial llanisca.