El rescate de 33 mineros en Chile en 2010 y la quema de la torre Grenfell de Londres, exemplos internacionales

Formen parte del Congresu sobre Rescates n'Espacios Confinaos celebráu n'Uviéu

El creador de la cápsula Fénix, la que dexó sacar a 33 mineros dempués de más de dos meses no fondero d'un pozu a 700 metros de fondura en Chile. Jorge Rodrigo Reveco tamién tuvo al mandu de la operación, el mayor rescate rematáu con ésitu de la hestoria de la minería hasta la fecha.

El rescate siguiéronlu más de 1.300 millones de telespectadores en tol planeta. Nueve años dempués solo queda l'ecu de la proeza, porque según denuncia Reveco, namá unu de los rescataos pudo reintegrase a la vida llaboral, nun llegaron a recibir l'ayuda prometida, y él mesmu pleitea escontra l'Estáu chilenu y la empresa minera por roba-y la patente de la cápsula Fénix.

En Londres, la quema de la Torre Grenfell, un edificiu de viviendes sociales en 2017, punxo a prueba a los bomberos de la capital. El so responsable, Richard Welch, asegura que foi l'operativu más importante pa esti cuerpu dende la Segunda Guerra Mundial. Llograron rescatar a 300 persones, pero morrieron 72.

Aquel accidente meyoró la formación. Nesa revisión de lo que socedió amestaron cambeos na cadena de mandu y control y identificáronse los problemes de comunicación.

N'Uviéu tómase nota de les bones práctiques d'otros profesionales que como los bomberos londinenses tienen qu'enfrentase a situaciones estremes.