El sector sidreru apuesta pola figura del escanciador

Plantega facer una categoría profesional propia

La figura del escanciador peligra pola falta de profesionales y pol usu d'aparatos mecánicos pa escanciar. Si se ficiere una categoría profesional propia protexeríase al trabayador y reforzaríase la calidá del productu, según el plantegamientu que fai'l sector sidreru.

Ayudante, escanciador, y maestru son les tres categoríes profesionales propuestes pol sector sidreru.

Asina como'l sumilier aconseya sobre'l sabor de los vinos o les condiciones bones nuna bodega, el maestru escanciador fadría cola sidra lo mesmo. Aseguren que de nada val un bon productu de calidá si nun se sirve bien.

Según los impulsores d'esti documentu, la profesionalización del escanciador valdría pa meyorar les sos condiciones salariales y potenciaría'l turismu sidreru, nuna dómina na que lo distintivo ye un atractivu por sí mesmo.

La propuesta presentaráse a la xunta del Principáu pal mes de mayu. Dempués, sedrá'l Parllamentu Asturianu'l que la presente al Gobiernu Central pa la so aprobación.