El sector turísticu, mui satisfechu col impactu económicu del Día de les Fuerces Armaes

Hoteleros y hosteleros falen de llenu n'ocupación

A falta de datos oficiales, el sector turísticu ta mui satisfechu del impactu económicu del Día de les Fuerces Armaes n'Uviéu. Anque afectaos polos cortes de tráficu pa temes como'l repartu o la instalación de terraces, aseguren que, analizando la recaldación de les caxes, mereció, y enforma, la pena porque se notó la presencia d'esos más de 3.000 militares y de los sos familiares y acompañantes.

Dolores Báñez ta percontenta dempués de pasar tres díes n'Asturies. Yera la primer vegada nos sos 87 años que salía d'Huelva porque quería ver a dos persones.

Familiares y militares que tornen dempués d'asistir a tolos actos programaos en Xixón y Uviéu, y que tamién aprovecharon pa faer daqué de turismu.

Y ye qu'a falta de datos oficiales sobro les repercusiones económiques del Día de les Fuerces Armaes, hoteleros y hosteleros falen yá de llenu n'ocupación.

Un impactu turísticu que conocen bien Pedro Luis Marín y Marisol Cano, del Club Patrulla Águila, que siguen a esta unidá del exércitu onde va.