En marcha una nueva edición de la campaña 'Camín del Reciclaxe n'Asturies'

Un total de 55 'ecoalbergues' convertíos en puntu de referencia pal recicláu

En marcha una nueva edición de la campaña 'Camín del Reciclaxe n’Asturies'. Una iniciativa pa concienciar a los pelegrinos de la importancia de nun tirar basura nel Camín de Santiago. Esti añu amiéstense al proyectu los albegues del Camín Primitivu al so pasu per Asturies. En total 55 'Ecoalbergues', sobre manera, equipaos y convertíos en puntu de referencia pal recicláu.

L’Albergue Municipal de Pelegrinos de Navia ye ún de los 55 'ecoalbergues' que tán funcionando n’Asturies. Dientro cunta con puntos de reciclaxe mariellos y azules.

Cartelos didácticos recuerden el lema de campaña. Equí los pelegrinos garren les bolses reutilizables de PET reciclao pa llueu recoyer y guardar la basura. N’Asturies distribuirán 9.600 unidaes.

La iniciativa busca concienciar a los pelegrinos de la importancia de nun dexar basura nel entornu del camín y facer d’estos albergues agospios más sostenibles.

Un proyectu d’Ecoembes, en collaboración con Coxersa y el Principáu, que ta siendo bien acoyíu polos pelegrinos.

Nos 'ecoalbergues', los usuarios puen facese amás cola Compostela del Ecopelegrín. Completada con tres sellos y xubida a una rede social, dexará la repoblación con viesca autóctona d’una hectárea de tarrén n’Asturies.