Enerxía solar en Zarréu, una zona qu'axunta unes condiciones mui favoratibles

La construcción del parque usará unes 50 persones

Los responsables del proyectu d’enerxía solar que se va instalar en Zarréu consideren que la zona axunta unes condiciones mui favoratibles. Güei visitaron la mina onde se van instalar les plaques.

El parque ocuparía 100 hectárees de tarrén de la antigua mina, espaciu abondo pa unos 93.500 paneles solares con una capacidá de 505 vatios caún y qu’en total podrán xenerar 50 megavatios. La empresa apuesta por Zarréu por ser la zona de meyor radiación solar d’Asturies amás d’otres ventayes, como la de tener una llinia eléctrica.

Dempués de superar los trámites medioambientales, Ingesanc Energy trabaya agora p’algamar el puntu de conexón que dexará conectar la planta a una subestación que dará salida a la enerxía que se xenere.

De ser bones plantearíense nuevos trámites alministrativos enantes d’algamar la llicencia d’obra final. Ensin fecha concreta, l’oxetivu ye entamar a trabayar nun periodu que nun vaya más allá del 2022.

Un proyectu con dos fases más que contempla tamién una parte formativa pa mozos de la zona.