Enfermos covid persistente piden ser reconocíos como pacientes vulnerables

"La pesadiella sigue pa los que sufren covid persistente. Nun queremos quedar nel escaezu"

Representantes del 'Colectivu Covid Persistente Asturies' reclamaron esti martes que se formalice un censu de persones afectaes por esta enfermedá crónica derivada de la pandemia del coronavirus y que les alministraciones los traten como pacientes vulnerables pa poder acceder a tratamientos con retrovirales que tán funcionando n’otros países.

Miembros d’esti colectivu concentráronse na plaza de La Escandalera d’Uviéu por mor del tercer aniversariu de la declaración del estáu d’alarma decretáu n’España p’afrontar la situación d’emerxencia sanitaria provocada pol covid, onde se lleó un manifiestu nel que recuerden qu’esta enfermedá foi "reconocida" pola Organización Mundial de la Salú.

"La pesadiella sigue pa los que sufren covid persistente. Nun queremos quedar nel escaezu", proclama’l manifiestu nel que se reclama l’atención a les autoridaes sanitaries a les persones que sufren esta enfermedá crónica de la que tán afectaos cuasi dos millones de persones n’España.