Engie y DuPont roblaron un alcuerdu pa construyir nel complexu d'esta multinacional n'Asturies la mayor planta fotovoltaica d'autoconsumu de la rexón, que va ser una de les mayores d'España cuando tea operativa, nel primer trimestre de 2025.
Según l'alcuerdu, Engie va diseñar, va invertir, va construyir, va operar y va caltener la instalación d'autoconsumu sobro suelu con una potencia instalada de 12,62 megavatios picu (MWp).
El desenvolvimientu del proyectu allúgase nun alcuerdu de suministru d'enerxía solar d'autoconsumu pal complexu de DuPont Asturies.
La planta va incluyir más de 22.000 módulos fotovoltaicos, fabricaos por DuPont con un material innovador que va garantizar la producción d'enerxía y el rendimientu óptimu de los paneles solares al llargu plazu, informaron dambes compañíes esti xueves nuna nota conxunta.
La nueva instalación fotovoltaica va dexar a DuPont Asturies cubrir aproximadamente'l 25 por cientu del so consumu eléctricu y, al empar, sofitar el desenvolvimientu d'electricidá anovable adicional na rexón.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL