Entreguen más de 440.000 robles al Sespa pa un mayor compromisu presupuestariu cola Atención Primaria

N'Asturies en 2021, la inversión n'Atención Primaria foi del 13,6%

Amnistía Internacional y la Plataforma pola Salú y Sanidá Pública entregaron 440.000 robles pa solicitar más financiación pa l’Atención Primaria.

Consideren que los presupuestos autonómicos vinientes tienen que dedicar el 25% del gastu sanitariu a la llamada puerta d’entrada al sistema sanitariu, como recomienda la Organización Mundial de la Salú.

N’Asturies en 2021 esta inversión foi del 13,6% y recordaron que la Xunta Xeneral en 2021 señaló en 2021 la necesidá d’algamar esi 25%.

Los activistes recordaron que la primaria atiende’l 70% de les necesidaes de salú. Les robles fueron recoyíes en tol país dende 2020. La recoyida sigue abierta n’Internet.