Espertos miren por actuar más rápido na implantación de polítiques pa cumplir los oxetivos d'amenorgamientu d'emisiones

La enerxía como oportunidá única pal desenvolvimientu industrial, a alderique en La Granda

Asturies y España tienen d'actuar más rápido na implantación d'oxetivos y polítiques pa cumplir los oxetivos d'amenorgamientu d'emisiones marcaos pola Comisión Europea pa 2040.

Ye una de les conclusiones de la primer xornada de los cursos de La Granda que se centró nes oportunidaes y retos pal desenvolvimientu industrial.

La enerxía como oportunidá única pal desenvolvimientu industrial foi'l tema central de la primer xornada de los cursos de La Granda.

Pa Curro Laverón Simavilla, responsable de prospectiva enerxética d'Iberdrola, tener una industria competitiva y amenorgar nun 90% les emisiones contaminantes como esixe la Xunión Europea pa 2040 ye difícil pero vidable.

Les elecciones presidenciales d'Estaos Xuníos garren especial importancia nel contestu enerxéticu internacional porque la orientación de les sos polítiques va afectar directamente a la llucha escontra'l cambéu climáticu, señaló Francisco José Dacoba, director del Institutu español d'estudios estratéxicos (IEEE).

La xornada tamién cuntó cola participación de los eurodiputaos Nicolás González y Susana Solís, qu'aldericaron sobro la orientación de les polítiques enerxétiques europees.