Espina garantiza que nenguna trabayadora "va salir perxudicada" cola nueva rede de 0 a 3

La conseyera comentó que la nueva rede autonómica, pública, gratuita, y "pionera" va suponer "un cambéu cimeru" pa la comunidá

La conseyera d'Educación, Lydia Espina, volvió pidir "tranquilidá" a los trabayadores de les escueles infantiles municipales porque, tres la integración d'estos centros na nueva rede autonómica, "naide va salir perxudicáu" y toes "van caltener los sos derechos llaborales y salariales y la categoría del contratu que tienen a valir".

"Nenguna va perder un derechu. Van respetase toos", garantizó esti vienres el titular d'Educación, que cerró la ronda de comparecencies informatives nel parlamentu asturianu sobre'l proyectu de llei pol que s'establez y regula esta iniciativa.

Espina comentó que cola nueva rede autonómica, pública y gratuita, "pionera" y que va suponer "un cambéu cimeru" pa la comunidá, inxertaránse toles trabayadores municipales na plantiya de l'alministración rexonal, como personal llaboral al nun ser personal docente, y van quedar adscrites al centru nel que tán trabayando.