Esti llunes va siguir la fuelga indefinida nes ITV d'Asturies

Dambes partes tán dispuestes a siguir negociando nel Sasec

Esti llunes sigue la fuelga nes estaciones de la ITV d'Asturies. Esti fin de selmana la plantiya d'Itvasa refugó la propuesta de la Conseyería d'Industria sobro les compensaciones pol aumentu de la xornada llaboral.

Pa los trabayadores, la solución pasa pola incorporación de más personal p'allixerar la llista d'espera na inspección técnica de vehículos.

Dambes partes manifestaron la so disposición a siguir negociando nel Sasec.