Feministes escontra la 'llei trans'

Refuguen el cambéu de sexu por voluntá espresa, ensin informes médicos

El Gobiernu va aprobar esti llunes la 'llei trans' nel Conseyu de Ministros. Esti pasu llega con parte del colectivu feminista a la escontra de que'l cambéu de sexu quede amenorgáu a un trámite alministrativu por voluntá espresa. Esti mediudía manifestáronse en Xixón. Defenden la orientación sexual y denuncien que'l xéneru ye un estereotipu. Amás, refuguen les operaciones y hormonación de menores.

Nun odien a los transexuales. Les feministes crítiques defenden la visibilización de la disfobia de xéneru pero nun tán d'alcuerdu col anteproyectu de la 'llei trans'. La norma va dexar el cambéu de sexu nel rexistru por voluntá espresa, ensin informes médicos. Va poder faese ensin l'aprobación de los padres a partir de los 16 años; y de los 12, con autorización xudicial.

Esti colectivu refuga les operaciones y hormonación de los menores, y reclama un acompañamientu psicolóxicu n'etapes tan sensibles.

Consideren que'l xéneru ye un estereotipu y nagüen por protexer la orientación sexual. Denuncien que la llei trans borra los derechos de les muyeres. Una discriminación que, alvierten, perxudica especialmente a les llesbianes.

El Conseyu de Ministros va aprobar esti llunes la 'llei trans' pa la so posterior tramitación parlamentaria. El Conseyu Xeneral del Poder Xudicial propunxo alzar a la mayoría d'edá'l llibre cambéu de sexu y una mayor protección pa los menores, reclamando garantíes pa evitar situaciones fraudulentes.