Fina d'Abres rexenta Casa Barbeiro, un chigre-tienda n'A Veiga

Conoz a tolos sos veceros pol nome y l'apellíu

María José García, más conocida como Fina d'Abres, ye la sesta de siete hermanos. Dende neña crióse nun ambiente dafechu rural, domináu pola pesca y el campu. Fai 17 años decidió arriesgar y abrir un chigre-tienda que güei ye tou un símbolu n'Abres, A Veiga.

Fina dirixe Casa Barbeiro con mano firme y conoz a tolos sos veceros pol nome y l'apellíu.

Tamién ye impulsora de la recuperación de recetes tradicionales na contorna, como la llamprea. Güei esta especie ta vedada nel Eo, pero inda munchos siguen apreciando la so calidá. Fina sábelo y por eso nun-y importa facer munchos kilómetros pa mercala y cocinala pa los sos veceros.

Tuvo que cuidar de la so fía cuasi sola, de so padre tamién y atender el chigre y el restaurán. Too ello valió-y l'añu pasáu pa recibir el premiu 'Muyer Rural 2019' d'A Veiga. Un exemplu pa la so fía, que la ayuda dellos fines de selmana.

Fina inda nun sabe lo que ye tener unes vacaciones. Pa ella, los veceros son lo primero. Veceros que, en munchos casos, conviértese en parte de la familia.