Fuelga en Duro Felguera

Les tres filiales tán llamaes a un paru de 24 hores

Les tres filiales de Duro Felguera tán llamaes a un paru de 24 hores, amás d’una concentración énte la sede y una marcha peles cais de Xixón. En total tán llamaos a ella unos 500 trabayadores n’Asturies.

Los sindicatos aseguren que ta siendo secundada pol 100% de los trabayadores de talleres, como’l tallerón en Xixón

Piden un plan de viabilidá pa la empresa y la salida del so presidente, Antonio del Valle, al que culpen de la mala situación dela compañía qu’adelda a la banca unos 360 millones d’euros.

La falta d’avales ta siendo cada vez más grave y ta llevando, dicen los sindicatos, a perder carga de trabayu pal añu qu’entra.

Dempués del últimu conseyu d’Alministración celebráu ayeri, del Valle caltiénse nel so puestu.

Esta xornada de paru vien precedida d’una manifestación pelaes cais d’Uviéu coles mesmes reivindicaciones.