Hunosa prevé tener en marcha la planta de biomasa de La Pereda en 2026

Enrique Fernández asegura diálogu directu colos vecinos sobro la escombrera d'El Reguerón

El presidente d'Hunosa, Enrique Fernández, confirmó esti xueves que les obres de tresformamientu de la térmica de La Pereda nuna central de biomasa van empezar esti añu cola previsión de que la planta "tea operativa en 2026".

Fernández fixo estes declaraciones nel pabellón d'Hunosa del recintu ferial Luis Adaro, tres la firma d'un alcuerdu de dinamización del comerciu y turismu de la Cuenca Central d'Asturies col bancu Sabadell Herrero.

Entrugáu sobre'l malestar ente los vecinos de dellos pueblos de Llangréu pol depósitu de residuos na escombrera d'El Reguerón, el presidente d'Hunosa afitó que la compañía caltién "un diálogu directu colos vecinos que puean tener inconvenientes".