IX visita l'antiguu HUCA pa esixir midíes

Alejandro Suárez critica l'abandonu del barriu d'El Cristo

El conceyal d'IX nel Conceyu d'Uviéu, Alejandro Suárez, esixe actuaciones darréu pa recuperar los terrenos del antiguu HUCA.

Suárez refirióse, acompañáu de la diputada Delia Campomanes, a "fracasu políticu" y apuntó a los políticos, tanto del Principáu como del gobiernu local, pol estáu d'abandonu del barriu d'El Cristo.

Campomanes amestó la necesidá de meyores nos servicios de seguridá y de llimpieza del antiguu hospital.

Una llimpieza de la zona cola que coincide l'alcalde d'Uviéu, Alfredo Canteli, que recuerda al grupu municipal d'Izquierda Xunida que los propietarios de los terrenos son el Principáu y la tesorería de la Seguridá Social.