Intelixencia artificial pa facer quesu cola mayor calidá y d'una manera más eficiente

Galardonada una aplicación de 'Industrias Lácteas Monteverde' que dexa escoyer los meyores llotes de leche

Quesía ye una iniciativa que desendolca dende va cuatro años 'Industrias Lácteas Monteverde'. Esta quesería grandalesa usa esta aplicación p’algamar la meyor calidá de quesu de la manera más eficiente, gracies a la intelixencia artificial. El sistema recomienda al maestru queseru qué llotes de lleche, de los que lleguen equí caldía, son los más afayadizos pa producir les distintes variedaes.

Gracies a esta aplicación, la quesería algamó’l premiu Carlos Canales que reconoz les meyores práctiques de xestión. Xuntar tecnoloxía con sabiduría humana ye l’oxetivu de Quesía. Nun se trata d’eliminar la presencia humana, sinón d’apurrir información qu’ayude a tomar decisiones precises y eficientes pal aprovechamientu de la materia prima, la lleche.

El premiu dase’l 25 d’abril viniente y dempués d’ello participará, xunto a TotalEnergies, la otra empresa finalista, na fase nacional del premiu.