Investiguen la muerte d'un osu pardu n'Ibias

Ecoloxistes denuncien el casu como caza illegal y el silenciu del Principáu

La Guardia Civil investiga la muerte d'un osu pardu. El so calabre foi atopáu cabo un ríu'l pasáu 9 de xunetu n'Ibias, con una de les sos estremidaes atrapaes nun llazu de caza.

Recordamos que se trata d'una especie en peligru d'estinción, y que la so caza furtiva ta tipificada pol códigu penal como un delitu.

Dolce asociaciones ecoloxistes denunciaron esti casu de caza illegal y reprocharon el silenciu del Principáu pa tratar d'esconder los fechos. Critiquen los defectos de les midíes del programa de control Centinela y esixen un plan escontra'l furtivismu con más medios, más guardies forestales y cámares de videovixilancia nes zones reincidentes.