Izquierda Xunida nun va sofitar al PSOE en Carreño y va presentar al so propiu candidatu

La formación tampoco va pautar pel momentu con PP y Somos

En Carreño, IX va presentar al so candidatu, Ángel García, nel plenu d'investidura. L'asamblea de la formación, axuntada ayeri, decidió que nun va sofitar a la candidata del PSOE y actual alcaldesa, Amelia Fernández, que con siete conceyales nun tien mayoría absoluta.

IX refuga pel momentu contactos col restu de formaciones que tienen representación pa posibles alcuerdos.

Esto ye, col PP que consiguió tres ediles y con Somos que va tener dos. IX foi la fuerza que más xubió en Carreño, pasando de tres ediles a cinco. Asítiase asina como principal partíu de la oposición.