Jonathan Trabanco resulta vencedor nel Concursu Oficial d’Escanciadores de Xixón

La postura, l’estilu y la cantidá de sidra en cada culín, fueron los factores que’l xuráu valoró pa proclamar a Jonathan Trabanco, ganador na categoría absoluta del concursu oficial d’escanciadores de la Fiesta de la Sidra Natural qu’estos díes se celebra en Xixón. 

Trabanco, de la sidrería Los Portales de Jaminón, de La Pola (Siero), algamó la puntuación más alta pol so virtuosismu pa echar seis culinos d’una botella de 700 ml.

En categoría local, el vencedor foi Víctor Borje, de la sidrería La Fueya de Tomás.

Amás, diose’l premiu a la etiqueta más guapina, que foi pa Sidra Piñera, de Xixón.