Juan Carlos Quintana, cuchielleru de Taramundi

Creó la navaya más grande del mundu

Juan Carlos Quintana ye l'herederu d'hasta siete xeneraciones d'artesanos de la navaya. A los 20 años decidió abrir el so taller en Pardiñas pa fabricar la que pasa por ser la mayor seña d'identidá de Taramundi. Failo roblando les sos navayes con CQ, les iniciales de Camilo Quintana, el so bisgüelu.

Juan Carlos tenía claro que quería ser artesanu y, amás, quedar nel so pueblu. Güei creó un muséu de la cuchiellería y del so taller salen centenares de cuchiellos y navayes.

Dellos grandes chefs interesáronse pola so obra y fixéron-y encargos específicos pa l'alta cocina. Ye'l pagu a un duru trabayu del que taría mui arguyosu'l so bisgüelu.

Inclusive entró nel llibru de los Guinness World Records por crear la navaya más grande del mundu, una obra de siete metros y 1500 quilos que tien frente al so taller.

Juan Carlos va siguir al mandu del so negociu, meyor dicho, de la so pasión. La pasión de fabricar un emblema de la so familia y un referente de Taramundi.