L'ADN confirma la paternidá del mozu de l'acusada del crime del ñácaru

La xueza qu'instrúi'l casu ta pendiente del análisis d'otres pruebes apaecíes nel calabre

Les pruebes d'ADN confirmaron que Daniel B.S., de 27 años, ye'l padre del ñácaru que foi atopáu muertu nun contenedor de basura'l pasáu 2 d'agostu nel barriu de Nuevu Roces de Xixón, fechu pol que la so moza y madre del neñu ta ingresada na prisión d'Asturies como presunta autora del crime.

Fontes xudiciales señalaron que, nun principiu, la situación procesal del mozu nun varió cola nueva prueba biolóxica que confirma la so paternidá.

El cuerpu ensin vida del ñácaru foi atopáu dientro d'una mochila por un home que restolaba ente la basura na cai Jenaro Suárez Pérez el pasáu 2 d'agostu, anque hasta'l 23 de setiembre nun se llevó alantre la detención de la madre, Silvia A.M., por parte de la Policía Nacional.