L'Archivu Históricu d'Asturiana de Zinc, unu de los más importantes d'Europa

Caltién documentos de tolos departamentos de la fábrica, dende la so fundación en 1833

L'Archivu Históricu d'Asturiana de Zinc ye unu de los más importantes d'Europa. El conteníu de los sos fondos ta amestáu al ciclu vital de lo que foi la Real Compañía de Mines d'Arnáu y agora Asturiana de Zinc.

Un planu de 1853 ye'l proyectu inicial de la fábrica de zinc y otru de 1858 ye la vista de la fábrica y la conexón col cai en San Xuan de Nieva, per onde salía'l productu al mercáu. Son solo dalgunes de les ayalgues que guarda esti archivu que caltién documentos de tolos departamentos, dende la so fundación en 1833 hasta la década de 1980.

Alfonso García, archiveru d'Azsa, asegura que'l grau d'integridá de los documentos atribúyese al usu del zinc pa la fabricación de les 200 caxes del archivu.

Alfonso lleva d'archiveru dende 1997 cuando entá nun había archivu. Un trabayu duru que consistió na localización, treslladu, llimpieza y clasificación.

Güei, l'Arquivu Históricu d'Asturiana de Zinc ye'l conxuntu documental meyor calteníu d'Asturies y ye unu de los archivos d'empresa más completos y singulares non yá d'España, sinón de toa Europa.