L'Asociación Eólica del Principáu pide que s'axilice la tramitación de los proyectos de parques eólicos

La producción eólica n'Asturies evitó l'añu pasáu la emisión de 930.000 tonelaes de CO2 a l'atmósfera

El sector eólicu supón el 0,8% del PIB. Apurrió a la economía asturiana 132 millones d’euros l’añu pasáu y pagó 24 n’impuestos. Son parte de los datos del estudiu encargáu pola Asociación Eólica del Principáu, que cifra en más de 1.400 los trabayos que xenera, el 90% cualificaos. Namás la fabricación de componentes pa lo eólico marín, onde Asturies ye referente, trabayen cerca de 450 persones. El sector alerta de que los concursos pa instalar más potencia tán cuasi paralizaos asegura Javier Martínez Sutil, presidente de l’Asociación eólica del Principáu d’Asturies.

L’estudiu defende la necesidá d’esta tecnoloxía pa garantizar el suministru d’enerxía a un preciu competitivu y estable pa los futuros proyectos industriales como’l de la xeneración d’hidróxenu apunta Enrique Doheijo, director d’Enerxía de Deloitte.

17 conceyos asturianos cunten con parques eólicos nel so territoriu. La producción eólica n’Asturies evitó l’añu pasáu la emisión de 930.000 tonelaes de CO2 a l’atmósfera.