L'Asociación de Supermercaos considera que les reivindicaciones sindicales tán fuera de la realidá

Dispuesta a aplicar xubíes salariales pa que'l salariu mínimu seya de 14.000 euros en 2021.

L'Asociación de Supermercaos d'Asturies asegura que ta dispuesta a aplicar xubíes salariales pa que'l salariu mínimu seya de 14.000 euros en 2021.

La patronal asegura qu'ufiertó a los sindicatos xubíes poco a poco d'equí a 2021, pero los sindicatos esixen que les xubíes más fuertes seyan nos primeros años.

L'asociación empresarial recuerda qu'en 2018 el 90% de los trabayadores beneficióse d'una xuba del 6,5% que supunxo pa los supermercaos un desembolsu de nueve millones d'euros que nun presupuestaren.

L'asociación considera que la reivindicación de los sindicatos nun ye razonable y alvierte que pue poner en peligru un modelu basáu en productos frescos y venta asistida.